Missale Romanum - Ss. Basilii Magni et Gregorii Nazianzeni, episcoporum et Ecclesiae doctorum

Proprium de Sanctis
Ianuarii

Die 2 ianuarii
Ss. Basilii Magni et Gregorii Nazianzeni,
episcoporum et Ecclesiae doctorum
Memoria

Ant. ad introitum           Cf. Qo 44,15 Qo 14 
Sapiéntiam Sanctórum narrent pópuli, et laudes eórum núntiet Ecclésia; nómina autem eórum vivent in saeculum saeculi.

Collecta 
Deus, qui Ecclésiam tuam beatórum episcopórum Basilíi et Gregórii exémplis et doctrínis dignátus es illustráre, concéde, quaesumus, ut tuam discámus in humilitáte veritátem et eam in caritáte fidéliter operémur. Per Dóminum.


Super oblata 
Súscipe, quaesumus, Dómine, hoc sacrifícium pópuli tui, ut, quod tibi in honóre beatórum Basilíi et Gregórii offértur ad glóriam, nobis tríbuas ad salútem perpétuam. Per Christum.

Ant. ad communionem           Cf. 1Co 1,23-24 
Nos praedicámus Christum crucifíxum, Christum, Dei virtútem et Dei sapiéntiam.

Post communionem 
Mensa caeléstis, omnípotens Deus, in ómnibus festivitátem beatórum Basilíi et Gregórii celebrántibus supérnas vires firmet et áugeat, ut et fídei donum íntegrum custodiámus, et per osténsum salútis trámitem ambulémus. Per Christum.

No hay comentarios:

Publicar un comentario