Missale Romanum - S. Ambrosii, episcopi et Ecclesiæ doctoris

Proprium de Sanctis

December

Die 7 decembris

S. Ambrosii, episcopi

et Ecclesiæ doctoris

Memoria

Ant. ad introitum Cf. Qo 15,5

In médio Ecclésiae apéruit os eius, et implévit eum Dóminus spíritu sapiéntiae et intelléctus; stolam glóriae índuit eum.

Collecta

Deus, qui beátum Ambrósium epíscopu

 cathólicae fídei doctórem

et apostólicae fortitúdinis exémplum effecísti,

éxcita in Ecclésia tua viros secúndum cor tuum,

qui eam fórtiter et sapiénter gubérnent.

Per Dóminum.

Super oblata

Illa nos, quaesumus, Dómine, divína tractántes,

Spíritus Sanctus fídei luce perfúndat,

qua beátum Ambrósium ad glóriae tuae

propagatiónem iúgiter collustrávit. 

Per Christum.

Ant. ad communionem

Qui meditábitur in lege Dómini die ac nocte, dabit fructum suum in témpore suo.

Post communionem Huius sacraménti,

Dómine, virtúte roborátos,

fac nos beáti Ambrósii documéntis ita profícere,

ut, viríliter per tuas sémitas festinántes,

ad aetérni suavitátem convívii praeparémur.

Per Christum.