Missale Romanum - Sanctissimi Nominis Mariæ

Proprium de Sanctis

September

Die 12 septembris

Sanctissimi Nominis Mariæ

Ant. ad introitum Cf. Lc 1,46.54-55

Benedícta es tu, Virgo María, a Dómino Deo excélso prae ómnibus muliéribus super terram; quia nomen tuum ita magnificávit, ut non recédat laus tua de ore hóminum.

Collecta

Concéde, quaesumus, omnípotens Deus,

ut cunctis gloriósum beátae Maríae Vírginis

nomen celebrántibus misericórdiae tuae

benefícia ipsa procúret.

Per Dominum.

Super oblata

Intercéssio, quaesumus, Dómine,

beátae Maríae semper Vírginis

múnera nostra comméndet,

nosque in eius nóminis veneratióne tuae

maiestáti reddat accéptos.

Per Christum.

Ant. ad communionem Cf. Lc 1,48

Beátam me dicent omnes generatiónes, quia ancíllam húmilem respéxit Deus.

Post communionem

Benedictiónis tuae, Dómine,

intercedénte Dei Genetríce María,

grátiam consequámur,

ut, cuius venerándum nomen celebrámus,

eius in ómnibus necessitátibus

auxílium percipiámus.

Per Christum.