Missale Romanum - Hebdomada II Adventus. Feria tertia

Tempus Adventus

Feria tertia

Ant. ad introitum          Cf. Zac 14, 5.7
Ecce Dóminus véniet, et omnes sancti eius cum eo;
et erit in die illa lux magna.

Collecta
Deus, qui salutáre tuum cunctis terræ fínibus declárasti,
tríbue, quǽsumus,
ut nativitátis eius glóriam lætánter præstolémur.
Per Dóminum.

Super oblata
Placáre, Dómine, quǽsumus,
nostræ précibus humilitátis et hóstiis,
et, ubi nulla súppetunt suffrágia meritórum,
tuæ nobis indulgéntiæ succúrre præsídiis.
Per Christum.

Præfatio I de Adventu.

Ant. ad communionem          Cf. 2 Tim 4, 8
Corónam iustítiæ reddet iustus iudex
iis qui díligunt advéntum eius.

Post communionem
Repléti cibo spiritális alimóniæ,
súpplices te, Dómine, deprecámur,
ut, huius participatióne mystérii,
dóceas nos terréna sapiénter perpéndere,
et cæléstibus inhærére.
Per Christum.