Missale Romanum - Hebdomada II Adventus. Sabbato

Tempus Adventus

Sabbato

Ant. ad introitum          Cf. Ps 79, 4.2
Veni, et osténde nobis fáciem tuam, Dómine,
qui sedes super Chérubim, et salvi érimus.

Collecta
Oriátur, quǽsumus, omnípotens Deus, in córdibus nostris
splendor glóriæ tuæ,
ut, omni noctis obscuritáte subláta,
fílios nos esse lucis Unigéniti tui maniféstet advéntus.
Qui tecum.

Super oblata
Devotiónis nostræ tibi, Dómine, quǽsumus,
hóstia iúgiter immolétur,
quæ et sacri péragat institúta mystérii,
et salutáre tuum nobis poténter operétur.
Per Christum.

Præfatio I de Adventu.

Ant. ad communionem           Cf. Ap 22, 12
Ecce vénio cito et merces mea mecum est, dicit Dóminus,
dare unicuíque secúndum ópera sua.

Post communionem
Tuam, Dómine, cleméntiam implorámus,
ut hæc divína subsídia, a vítiis expiátos,
ad festa ventúra nos prǽparent.
Per Christum. 

No hay comentarios:

Publicar un comentario