Missale Romanum - Dominica IX "per annum"

Tempus "per annum"

DOMINICA IX “ PER ANNUM ”

Ant. ad introitum          Cf. Ps 24, 16.18
Réspice in me, et miserére mei, Dómine,
quóniam únicus et pauper sum ego.
Vide humilitátem meam et labórem meum,
et dimítte ómnia peccáta mea, Deus meus.

Collecta
Deus, cuius providéntia in sui dispositióne non fállitur,
te súpplices exorámus,
ut nóxia cuncta submóveas,
et ómnia nobis profutúra concédas.
Per Dóminum.

Super oblata
In tua pietáte confidéntes, Dómine,
cum munéribus ad altária veneránda concúrrimus,
ut, tua purificánte nos grátia,
iísdem quibus famulámur mystériis emundémur.
Per Christum.

Ant. ad communionem          Cf. Ps 16, 6
Ego clamávi, quóniam exaudísti me, Deus:
inclína aurem tuam, et exáudi verba mea.

Vel:          Mc 11, 23.24
Amen dico vobis, quidquid orántes pétitis,
crédite quia accipiétis, et fiet vobis, dicit Dóminus.

Post communionem
Rege nos Spíritu tuo, quǽsumus, Dómine,
quos pascis Fílii tui Córpore et Sánguine,
ut te, non solum verbo neque lingua,
sed ópere et veritáte confiténtes,
intráre mereámur in regnum cælórum.
Per Christum.

No hay comentarios:

Publicar un comentario